陳法拉處女執導碌爆人情卡
女星陳法拉、女飛魚歐鎧淳、汪詩詩表妹湛琪清與名模伍靜麗昨日現身「Weekend Max Mara X保護動物慈善協會」活動，法拉透露最近開始拍攝自編自導自演的處女微電影：「第一次拍電影乜都自己搞，唔係求拍出啲咩嘢，只係想享受過程同學習吓。」法拉指今次微電影製作費只預五位數字，全部都是「拍膊頭」搵幫手：「拍到手軟！大家都係義務，碌爆人情卡。（之前教過你嘅荷里活男星奇雲史柏西有冇份拍？）可能！最好啦！（男友客串？）唔得！佢好怕醜。」
歐鎧淳則透露將在書展出書 ：「講吓運動同生活上嘅嘢。（有泳照？）未必有太多，會生活化啲但唔多相。（寫感情事？）都有少少，第一版印咗二千本，希望賣得晒。」而藝人男友胡子彤前晚現身短片頒獎禮，透露想執導一套以家人為題材的電影，問到會否叫女友做短片主角？他說：「暫時未必，佢依家好忙。」
另外，陳法拉、歐鎧淳、湛琪清及伍靜麗早前化身俏麗小貓為品牌拍攝新照。扮高傲小貓的法拉自言與貓相似愛獨處，歐鎧淳則扮成調皮小貓騷長腿。
