張學友的好友車淑梅坦言不知他的女兒拍拖，但認為女兒始終是爸爸的「前世情人」，自爆老公張文新對女兒拍拖一樣緊張又呷醋，她搞笑說：「我同男人傾偈唔見佢呷醋！佢就好緊張成日問住個女嘅男友對佢好唔好？」育有一子一女的車淑梅又指明白學友心情，始終女兒只得16歲，所以會關注女兒的一舉一動，她語重心長說：「如果家長睇得好重，小朋友就會睇得好重，搞到好緊張！其實唔使睇得咁嚴重，小朋友都係認識異性、了解吓啫！唔一定係拍拖嘅。」