吳綺莉接受女兒性取向：佢仲摸索緊
單親媽咪吳綺莉（Elaine）終於盼到女兒吳卓林回家團聚，重修舊好。Elaine亦整理心情重新出發，昨日於銅鑼灣分享接受美容療程後的感受，同場更有任主持的韓君婷。Elaine以充滿女人味的造型示人，問到有否叫女兒幫眼？她說：「冇，其實自己都好意外，希望可以做個榜樣，令自己睇落健康啲。」問到卓林是否仍在看醫生，她指一直有社工和醫生幫忙：「我之前忽略太多佢嘅感受，係日積月累，我唔只要改變外貌，要提升埋自己內心，依家我接受咗情緒病，要去面對。」
當面向卓林道歉
卓林早前被揭與紋身網紅私交甚篤，問是否因交友問題導致衝突？Elaine否認，更主動講「對唔住」：「唔可以怪人哋，我係忽略咗佢感受，媽咪對唔住佢，有當面講對唔住。（卓林同網紅拍緊拖？）朋友啦，佢17歲仲摸索緊。（接受到個女鍾意女仔？）我好開通，冇所謂，如果佢同我話有咗要做婆婆我驚啲，性別唔緊要，最緊要照顧到彼此，心地善良，錫我個女。」
以身作則戒酒
Elaine又指現在學會堅強和冷靜與女兒相處：「依家會學習接受，佢係單親家庭，加上情況好特殊，我接受到唔代表佢接受到，搞到佢爆咗煲。（卓林仲有冇自殘？）有食藥，每一個媽咪見到小朋友受傷都唔開心，唔可以怪佢，要感恩，呢個情況早發現，並唔係冇辦法補救。（戒咗酒？）一滴都冇飲，我要用行動話畀個女知，係一定可以做到。」
文：影視組