陳曉東湊B心得 傳授沈慧林
「港產陀飛輪萬希泉」創辦人沈慧林（William）太太陳曦婷（Rachel）上月誕下女兒Kaitlyn，日前囡囡滿月，他們在家中舉行一個小型滿月派對，好友們紛紛前往探望B女，當中有近年主力於內地發展的陳曉東與太太、黃又南、名人王嘉恩與太太等。William開心指獲陳曉東夫婦傳授育嬰心得，他說：「陳曉東佢哋都有兩個女，而且佢太太又係做護士，分享咗好多心得畀我同太太。」
此外，William透露BB現時重9磅幾，兒科醫生指比例很好。每次提起B女，William即四萬咁口說：「佢好乖，好少喊，又唔扭計。我平時要返工努力賺奶粉錢，唔可以成日陪住佢，所以返到屋企就算幾攰，半夜兩點都會親自餵佢食奶。」