阿Sa柏豪相信愛原諒大話精
蔡卓妍（阿Sa）於新片以愛去原諒周柏豪77次，她坦言現實中若遇同類問題會選擇退一步，若雙方仍有愛必可將問題解決。柏豪則指謊言最令人難受，但亦相信愛可以解決一切。
阿Sa在英皇電影《原諒他77次》中原諒周柏豪76次後，決定是否原諒第77次前要作出重大考慮。她坦言開拍前導演邱禮濤和編劇李敏已鎖定柏豪擔任吊兒郎當的男主角：「如果冇周柏豪拍，我真係冇機會拍！」
退一步解決問題
電影以原諒為主題，但每個人總有底線，柏豪直指謊言最令人難受：「但事後大家都有維繫番個關係的話，都仲有得原諒嘅。」阿Sa覺得信任最重要：「冇咗信任好難繼續行落去，我接受唔到對方除咗我之外仲鍾意第二個！」問到會否原諒一個人達77次？她坦言選擇先退一步：「女仔好簡單，只要感覺到係被需要、被愛，好多嘢都可以冇問題。」她指現實中不少男女亦會遇上片中的問題：「原本一齊望住同一個目標，但突然發現距離好遠，冇辦法再一齊，好無奈。」
另外，柏豪、阿Sa、盧巧音等昨晚為《原》片到旺角謝票，問到有否票房壓力？柏豪說：「我留意到套戲首日售票情況好好，我仲cap埋圖send畀阿Sa，好似我有份投資咁。（老婆睇咗未？）老婆未睇，我阿媽同屋企人都唔同以前，以前佢哋乜歌乜戲都會捧我場，依家要我講佢哋先知！」
文：影視組
攝：吳文聰
髮型：Sing Tam@pi4.hk（蔡卓妍）、Cliff Chan@hair corner, assisted by Alson Tam（周柏豪）
化妝：Natalie Soo@ndnco.co（蔡卓妍）、Vinci Tsang（周柏豪）
場地：柏寧酒店