黃瑋霖堅持Sing夢畀阿爸趕出街
24歲唱作新人黃瑋霖（Lum）是中英混血兒，自小已喜歡唱歌：「細細個就開始學鋼琴同豎琴，呢兩年仲學埋結他同打鼓。」她透露16歲時被星探發掘做兼職模特兒，亦有客串電影，但最愛依然是音樂：「上年好想出一首歌，Send咗首歌嘅Demo畀朋友，點知佢就Mixing埋畀我，令我心血來潮好想專業做首歌！咁啱有朋友識一個監製，佢聽咗我其他作品就話我咁有Heart，就簽我詞曲方面。」
原本在英國讀Fine Art的阿Lum，一年後毅然回港，因想用大學餘下兩年時間轉讀製作，卻遭父親大力反對：「佢趕咗我出街！嗰時搬咗去婆婆度住，依家過咗三年，我好開心佢變到好支持我！」現時身為獨立歌手的阿Lum收入不多，坦言每日生活也很困難：「基本都係匿喺屋企做Demo。」
場地：K.H. WorkHouse@Tai Ping Shan Street Gallery