黃建東畀媽咪鬧乞人憎！

憑惡搞《PPAP》上位的黃建東（Derek）自言平日工作忙碌，跟在內地工作的爸爸很少見面，故今次專誠請父母飲茶預祝父親節，還餵爸爸食點心，令黃爸爸甜在心頭：「父親節破戒食好啲，佢哋成日嫌我肥！」黃媽媽即笑說：「你自己都知啦！唔好成日喺屋企食零食。」黃爸爸亦附和說：「佢最大優點係工作認真，但缺點係太為食！」

夭心夭肺 直呼「婦人」

想不到父親節茶敍變爆料大會，黃媽媽愈說愈起勁：「個仔講嘢夭心夭肺，一家人喺屋企唔會好嚴肅，佢唔會叫我做阿媽，會叫英文名，仲叫『婦人』過嚟呀！好乞人憎！」黃媽媽笑言想聽個仔叫聲阿媽，Derek見狀即擁抱媽咪補鑊，又賣口乖說：「父母幾前衞，媽咪仲好與時並進！記得我小學五年級，有一次同媽咪搭巴士時同我講：『仔，你大個咗記住唔好濫交呀！』好搞笑。」

黃建東與父母歎茶預祝父親節，夠晒溫馨！	黃建東父子做運動，幫爸爸抹汗是常識吧。	放大圖片

身為主角的黃爸爸見到母子你一言我一語都忍俊不禁，Derek隨即踢爆爸爸最喜歡熊抱他兩兄弟！其後，一家三口移師戶外做運動，每朝六時起床的黃爸爸教Derek做熱身運動，雖然做到身水身汗，但Derek認為這個父親節過得很有活力！

文：李惠儀

攝：劉斌

場地：雲來軒@尖沙咀

化妝：Alfred@Seven sense

髮型：Deep Yu@Beijing Hair Culture

服裝：EVISU；Palladium HK