藝人梁靖琪（Toby）昨日在時裝活動中表示，將與健康食品及健身室合作，為男女度身訂造健康餐單，既做婚禮統籌又開過火鍋店的Toby，大呻生意難做：「已經冇餐廳，但我好想再試吓，我鍾意煮嘢食，姐夫又係做飲食行業，可以合作。」不過，她鼓勵年輕人，有興趣又有資金應該嘗試創業！
同場的林子萱近日忙於走訪八十多間小學教小朋友瑜伽，她與男友谷德昭感情穩定，覺得結婚只是形式，最緊要開心。問到會否生小朋友？她說：「我係個想休息嘅人，如果生咗就要24小時令佢哋開心，自己冇得休息！」
