河知雲冇俊男陪食辣療Dry
韓國女星河知雲昨日來港出席活動，大打親民牌，還賣口乖大讚香港是個魅力之都，期待欣賞夜景，又最愛香港的香辣食物，可惜沒有俊男陪伴，惟有以火辣美食搭夠！
韓星河知雲昨午飛抵香港，在四名保安陪同下步出機場，現場不少粉絲接機，她友善地揮手及接過粉絲送的花束和禮物後，上車後再向粉絲揮手打招呼，十分親民。
新劇合作夥伴暫保密
黃昏時分，河知雲出席Max Mara中環國際金融中心商場全新概念店開幕活動，並非首次來港的她透過翻譯大讚香港：「我覺得香港好有魅力，尤其係呢度夜景好靚，好期待夜晚出去欣賞夜景。（最想做乜嘢？）我知道香港出名多美食，都準備去知名餐廳食晚飯，最想食點心，同埋香港嘅香辣食物，韓國都好多辣嘢食，但特別鍾意香港嘅辣！（想唔想有俊男陪食？）今次冇目標，都係同番工作夥伴一齊。」
近日她落實接拍韓劇《醫療船》，有指將夥拍韓團CNBLUE的25歲成員姜敏赫，河知雲對此表示暫不可公開，認為每個作品角色都不一樣，每次演戲前都會做好準備，更反問記者覺得她跟哪位男星最合襯。
婷婷搵父兄做白老鼠
同場還有謝婷婷、馬詩慧與女兒王曼喜、星級形象指導郭慶彬等，婷婷透露昨天首次成功煮了一頓美味午餐，煮了三文魚、菠菜及蘑菇，她笑說：「爸爸就鍾意實驗，佢屋企有好多就快過期嘅嘢食，通常佢會將就快過期嘅食物放晒一煲煮。」問到荷里活型男「鷹眼」男友謝洛美維拿（Jeremy Renner）可有試過她的廚藝？婷婷說：「冇試過，其實今次先係我第一次真正煮一餐出嚟，嚟緊會試多啲，搵爹哋同阿哥做白老鼠。」
文：名人組