「夏雨仔」冧Cheronna：只差啱嘅時機
女子組合Super Girls成員Heidi及Yanny早前爭仔反目，昨日又驚爆另一成員Cheronna硬搶有未婚妻的「夏雨仔」黃奕晨！男方昨日出席活動時處處維護Cheronna，更揚言想與女方拍拖，而Cheronna亦承認兩人有私下約會。
Super Girls成員最近緋聞多多，昨日Cheronna（吳嘉熙）被爆與夏雨兒子黃奕晨（Dixon）暗撻4個月，更指她只用了一個月時間強搶有未婚妻的Dixon。昨日Dixon出席活動時表示：「我都唔知幾時無啦啦多咗個未婚妻！我27歲冇咁快結婚，點會咁鹵莽去求婚？」
讚開朗又好動
問到與Cheronna是否玩地下情？Dixon即時否認，並稱認識Cheronna時單身，根本沒被「強搶」。再問是否對女方有意思？他大方承認：「有少少，幾好啊，佢開朗又好動。（差啲咩未一齊？）只差一個啱嘅moment！（傳你哋開始咗4個月？）我都想拍咗4個月啊，邊有咁密？報道話我哋去咗京都，但其實張相係佢舊年拍無綫節目《3日2夜》嘅相。」
私下有約會
身在內地探訪的Cheronna接受電話訪問時稱，與Dixon行山而認識。問到是否搶人男友？她稱：「冇咁嘅事，我哋唔係拍拖。」她又大方承認有Dixon電話號碼，私下亦有約會，但現時仍是朋友關係。
另外，Dixon透露7月中將接拍ViuTV的青春偶像劇，更預告會與《美選D.n.A.》冠軍羅伊婷有感情線，但就未知道有否親熱場面。他笑言新劇由四位新演員擔正，有點冒險：「好彩唔使拍鬼片，我睇《詭探》睇到一半都熄咗啲聲，咩都唔驚但就係驚鬼。」
文：音樂組