王馨平自認「美少女」
歌手呂方、黎瑞恩及王馨平等前晚到將軍澳電視城，錄影薛家燕、黎小田與湯寶如主持的節目《流行經典50年》，王馨平與湯寶如合唱卡通片《美少女戰士》主題曲，王馨平笑說：「如果可以搵埋周慧敏一齊唱，就真係好值得收藏！」她難忘當年曾以美少女戰士造型亮相，但不會再扮，因接受不到，並笑說：「依家唔使再扮，我根本就係，哈哈！」
呂方則透露已入紙申請明年開騷，可能效法譚詠麟找人拍檔，但先決條件是取得紅館檔期：「聽講有人申請咗8次，我都試過申請6次都唔得。之前諗住開30周年演唱會，申請到過咗都未有期。」
