轉嗒29歲糖妹陳山聰誇口：我唔Young咩！

陳山聰自信與糖妹合襯，期待擦出新火花。

監製王心慰的新劇《逆緣》即將開拍，除了本報之前率先爆的黎耀祥、夏文汐及林夏薇擔綱演出外，現更加入陳山聰、英皇藝人陳家樂及糖妹。劇中家樂將與林夏薇飾演一對，而糖妹則與山聰有感情線。

山聰昨日接受訪問時才知自己與糖妹「拍拖」，問到29歲的糖妹襯40歲的他會否過Young、過Cute？他笑說：「我依家唔Young咩！OK呀！唔使成日對住黃智雯、姚子羚。我同糖妹、薇薇都好多同場戲，新組合會有多啲火花。」他表示有很多演員都未合作過，如黎耀祥及夏文汐：「祥哥我恨合作咗好耐o架喇！終於有機會！我又可以有好多幻想喇！（邊方面？）邊方面都好啦！」而他與陳家樂則有最多對手戲，問會否帶住對方？山聰謙稱：「使唔使呀！佢電影好有經驗，大家互相交流，希望有火花。」

糖妹前晚錄影《流行經典50年》，打扮青春。

糖妹（左起）、林夏薇與陳家樂，初合作已勁好傾。

家樂為「人妻」推Job

至於陳家樂則表示自《四葉草》後便沒有替無綫拍劇，今次有如回家，感覺像小學生般緊張：「我周圍問前輩要注意啲乜，大家都叫我注意休息。」此劇要拍3個月，家樂坦言想專注一些，故期間不會接外面的工作，更因檔期問題推掉不少電影，問是否「嫌錢腥」？他笑說：「唔緊要，錢係會搵得番，都係想專注啲拍好個劇。」談及與夏薇一對，他大讚對方白淨又靚女，至於是否有親熱戲，他表示劇本未寫到，但相信會有。談到對方是「人妻」，會否擔心傳緋聞？他說：「做嘢啫！」

文：影視組