張繼聰天賜假期私會「情人」
藝人張繼聰前日因颱風苗柏襲港，突然多了一日假期，他把握時間陪今年3月出世、與老婆謝安琪的愛情結晶張靖（Karina），阿聰在社交網留言：「感謝苗柏，可以約會一下。」又上載與囡囡的對話片段，問囡囡：「你開唔開心呀？」Karina竟然識用BB話回應，阿聰登時冧爆！
此外，阿聰近日宣傳與白只合作的新片《今晚打喪屍》，阿聰笑言：「我同白只演沙煲兄弟，現實中，我哋讀演藝時，個世界都好似得我哋！我哋做啲嘢，老師鬧，只有對方識欣賞，同學都話：『你哋結婚啦！』（戲中要追白只女友顏卓靈？）冇親熱戲o架，本身可能有，唔知白只有冇搵導演講咗啲咩，總之我收到就冇，白只好專業，冇干涉過我哋。」白只附和說：「我連mon都冇望，同阿聰好兄弟嘛！但我有近距離欣賞萬梓良（萬子）同吳家麗做戲，我被萬子戲場震懾。」
文：影視組
攝：秦健輝
場地：TOWARD Studio