發林師傑脾氣！歐陽巧瑩私藏全裸照
藝員林師傑、歐陽巧瑩、羅天宇、蔣家旻、邵珮詩和黃碧蓮等昨日在電視城為明珠台《新福爾摩斯》舉行記者會。林師傑與歐陽巧瑩最近到美國旅行，順道為女友影靚相響應「解放乳頭運動」，歐陽巧瑩的凸點相更成熱話。林師傑即「投訴」女友沒宣揚相片由他操刀：「佢好有勇氣，喺條街釋放自己身段，輯相影得唔錯，返屋企唔使跪玻璃。」
歐陽巧瑩則自爆影相時脾氣大：「因為溫差好大，凍到鼻涕係咁流，真係辛苦佢。」她還透露影了一批不能出街的性感照私藏，她笑說：「啲相遮遮掩掩幾乎全裸，將來畀仔女睇。」問歐陽巧瑩不戴胸圍會否擔心乳房下垂？她說：「唔會o架，自己鍾意舒服，平日好多時都唔戴胸圍。」可擔心私人珍藏相會遺失曝光？林師傑笑說：「盡量小心，啲相全部畀晒佢，我淨係負責影，佢會小心存喺電腦度，可能加密碼。」此外，林師傑因違例泊車被追加罰款及堂費共1,080元，原本他不服打算出庭上訴，但前日因工作缺席，現惟有繳罰款了事。
