祖兒驚喜撐阿Sa姊妹情「打風」都打唔甩
樂壇天后容祖兒與蔡卓妍（阿Sa）情同親姊妹，前晚因工作取消，即冒住8號風球親自操刀化妝，趕到首映現場驚喜現身撐阿Sa，祖兒更笑言二人友誼打風都打唔甩！
蔡卓妍（阿Sa）、周柏豪、鍾欣潼（阿嬌）、惠英紅等前晚出席英皇電影《原諒他77次》首映，老闆楊受成與太太、洪卓立及湯怡等英皇藝人，以及此片編劇李敏亦有亮相，而與阿Sa情同姊妹的大師姐容祖兒，亦於活動開始前驚喜現身，令阿Sa興奮不已。
祖兒受訪時透露原本要拍廣告，因掛8號風球而取消，於社交平台見《原》片首映宣布風雨不改，決定前來撐場：「之前我同阿Sa講我嚟唔到，後來個工作取消，我就即刻自己化妝，相信大家嚟支持阿Sa呢件事都真係有真愛，打風都打唔甩，冇理由好姊妹都唔嚟支持！」
周柏豪變「周8號」
阿Sa與柏豪對於在8號波下開工，似乎習以為常，柏豪說：「新人年代試過兩次首映同一次簽名會都係8號風球，頭先去salon整頭都係得我同化妝師，好似阻人收工咁。」阿Sa則自言貴人出門招風雨，笑指當年10號風球下，某品牌活動如期舉行，由於前輩劉嘉玲亦如常赴會，故自嘲小人物的她根本冇藉口推卻：「今日『周8號』（周柏豪諧音）太勁啦！」
至於阿嬌就在台上談及如何在戀愛中保持新鮮，認為同一間屋可以分開房間，給予彼此空間，但就未能接受到情侶間使用暴力，她說：「有一次就會有第二次，就算真係愛，摑兩巴都接受唔到。」
祖兒除了撐姊妹場睇首映之餘，原來她曾在家中下廚煮麵食，並留言：「雖然明知明天又零六，但實在太餓了，回到家帽都未除已經要煮一個麵來吃，細細哋唔會太飽瞓唔着，沒有其他配菜都好正。」有網友讚祖兒夠貼地，還稱若有機會食到祖兒親手煮的麵就好了。
文：影視組