唐詩詠王浩信有錢搵就精神！

藝人唐詩詠與王浩信以劇集《不懂撒嬌的女人》中的情侶檔出席活動，問到早前暈倒的詩詠要否休息？她自言冇問題：「第二日都冇事，拍完先調理，因為開工有意志力撐住，開完工先會病。」問到是否有錢搵就有精神？王浩信說：「係呀！有收入更歡迎，有好角色會更精神。（被指忽略家人？）冇法，開工開到天昏地暗，有投訴係應該。呢兩年接住開工，每日工作15至20個鐘，但家人明白。唔使開工會補償，想暑假去旅行。」同場的陳瀅則否認好友何雁詩自殺，指她放假心情開朗。