捱世界供讀國際學校 徐榮培養囝囝做球王
藝人徐榮的女兒徐心怡（包包），憑人見人愛的「萌樣」在無綫劇《愛·回家2》中人氣急升，雖然劇集已播畢，但無損包包人氣，因徐榮與太太不時在社交網公開她的可愛照！日前，徐榮趁父親節前夕，帶同太太、大仔徐朗（Karson）及包包一家四口到公園玩，共享家庭樂。
徐榮透露往年父親節都只是食飯慶祝，自言是「隨意爸爸」的他，較着重子女的學業，即使自己辛苦少少，都讓子女入讀國際學校：「哥哥想做足球員，如果讀傳統學校，會有讀書同功課壓力，所以畀佢讀國際學校，等佢專注踢波。（包包呢？）包包都會讀國際學校，我辛苦少少都冇所謂！」有指徐榮至少有兩層樓在手，問會否為子女提早置業「上車」？他說：「咁又唔會，但有幫佢哋買吓基金做投資，如果第時佢哋有能力買樓咪搬出去，如果冇，一齊住都冇所謂。」
