Oscar江若琳搞夫妻廢片

「生煎包王」蕭潤邦（Oscar）前日被本報獨家踢爆左手紋上女友江若琳（Elanne）英文名E字加皇冠紋身，再榮升老闆的Oscar昨日出席大埔分店開幕，Elanne以女主人身份招呼朋友，還與「未來奶奶」齊齊切燒豬，似乎早已融入蕭家中。
Oscar與江若琳打風打唔甩，仲話有計劃結婚。
Oscar與江若琳打風打唔甩，仲話有計劃結婚。

打得火熱的Oscar孖Elanne齊齊受訪，女方全程冧笑望住男友，而Oscar亦狂掃女友背脊，談到「愛的紋身」，Oscar承認是給女友的驚喜：「第一次為女朋友紋身。（要一生一世(0架)喇？）梗係啦！」Elanne插嘴表示曾笑Oscar如兩人分手，可以找英文名E字頭的女仔拍拖。

Oscar分店開幕，江若琳同「未來奶奶」（右三）齊齊切燒豬。
  • Oscar分店開幕，江若琳同「未來奶奶」（右三）齊齊切燒豬。

自爆打手槍

至於Oscar直認有結婚打算，問到何時求婚？他說：「會o架喇，有安排。（有否送股份給女友？）我哋做嘢分開，日後有機會咪一齊開間叫夫妻肺（廢）片，橫掂我講嘢咁廢！」因為Oscar不時在網誌「放閃」，記者叮囑兩人要做足安全措施免搞出人命，Elanne抵死地說：「又打黃槍？」Oscar爆肚說：「打手槍！」