吳君如Plan倫敦快閃

吳君如昨日出席《第一屆兒童國際電影節》，她表示與陳可辛都是電影人，故不時帶女兒陳是知睇戲，又指全家睇戲是親子活動，好過囡囡玩手機。問到會否與女兒攜手監製卡通片？她說：「前兩年有諗過，但呢兩年改變方針。我都唔係嗰個思維，點整齣老少咸宜嘅卡通片？」她透露叫女兒與同學拍片，剪接後放上社交媒體呃like，又大爆囡囡有多個社交網帳戶，其中一個加了她做朋友。