諗計谷千萬票房 阿Sa裸泳 柏豪拍AV跑數

藝人蔡卓妍（阿Sa）及周柏豪昨午到荃灣，出席主演英皇電影《原諒他77次》的見面會，與粉絲大玩遊戲，場面墟冚。阿Sa自爆當初親自致電老闆楊受成，要求他投資該片：「原來打個電話壓力都好大，所以今次票房起碼要過千萬先得！」柏豪聞言搞笑說：「到時佢會裸泳！」阿Sa即「反擊」：「你以前有條好似你嘅AV片流出喎，咁你到時真係拍啦！」但問到是否由她做女主角時，阿Sa立即縮沙：「唔得，我駕馭唔到喎！」談到合作趣事，柏豪向阿Sa「笠高帽」：「合作前同佢完全唔熟，起碼冇佢電話囉，我以為佢習慣咗身邊工作人員照顧，但原來佢幾獨立、對朋友有義氣，試過收工食飯問佢使唔使去啲私隱度高啲嘅地方，佢就坐街邊食都得。」