林敏驄為塌台致歉 喊完起色心

創作人林敏驄前晚於紅館舉行《今天星閃閃35年時日如飛 林敏驄腦交戰作品展演唱會》尾場，因頭場（上周五）綵排時發生塌台意外，令蔡一智受傷未能演出，阿驄在台上向蔡一傑慰問阿智的傷勢，得知其尾龍骨受傷及令肋骨移位，不禁眼濕濕說：「所有人嚟撐我，好似鄭伊健、古巨基個個排晒舞，出事後要自己一個唱，我真係過意唔去。」傑仔即掃他背以示安慰。

陸漢洋獻花冧女友

阿驄很快平復心情，唱《忘不了你》時與苟芸慧十指緊扣，苟姑娘更挨向其膊頭，男友陸漢洋即從觀眾席上前獻花，宣示主權。阿驄問苟姑娘是否要結婚、脫離「處女黨」，又笑言要開拍《金剛大破處女黨》，苟姑娘則問他是否想求婚，阿驄大講有味笑話：「結婚呢樣嘢要好認真，要做全身檢查，我帶你去後台做個體檢啦！」全場爆笑。至於在頭場穿緊身衣爆腩演出的關淑怡，於尾場改為穿黑色鬆身衫裙遮肚腩。

林敏驄忍淚致歉，蔡一傑從旁安慰。	關淑怡換上闊身衫裙獻唱。	黎瑞恩除了投資個唱，還為林敏驄獻聲。

黎瑞恩：只係賺少咗

慶功宴上，阿驄指塌台事件令大家更團結，並說：「錄咗段嘢畀阿智，佢有事我點賠？好彩唔係太大問題，舞蹈員亦都好快出院。（你眼濕濕？）好心痛，大家撐住頂落去。（點答謝佢？）在心中。」提到兩場演出都超時要罰錢，阿驄遂解釋頭場最後一曲只唱半首的原因：「監製喺耳機同我講仲有5分鐘，如果唔走會罰好多錢，問我博唔博？我就唱到差唔多就落台。」而黎瑞恩身兼嘉賓及投資者，提到首次投資演唱會即遇意外，她說：「天將降大任於斯人，必先勞其筋骨，咁大鑊嘅嘢，下次遇到都係覺得少少嘢。（損手？）啱啱通知我只係賺少啲，呢兩晚都係滿座。」

文：音樂組

攝：黎志輝