圈中不乏孝順女，就算父女曾反目，但最後也和好如初，例如年紀輕輕就要為父親孭起巨債的藝人李彩華，她坦言對父親從沒懷有恨意，她回憶當年說：「當時年紀比較細，我仲讀緊書，但有兼職做模特兒搵到錢，當時媽咪同我講屋企發生咁嘅事，要幫爸爸手還債，要將戶口嘅積蓄同埋打工嘅錢攞晒出嚟，當年都好震驚，會有唔開心，覺得啲錢係自己辛苦咁搵番嚟，以後冇得同同學出街買嘢。」
李彩華稱不開心的感覺只是一時，一家人又怎會有隔夜仇：「年紀大咗就識諗，而且學識做人要放下，始終大家係一家人。」她非常愛錫父母，每年趁自己休息，就會帶父母到外地旅行。