荷里活巨星「靚佬湯」湯告魯斯（Tom Cruise）最近忙於四出宣傳《盜墓迷城》（The Mummy），更出新花樣，將聯同名嘴James Corden一齊拍搞笑片谷戲！據知靚佬湯將會充當導遊帶James暢遊泰晤士河，介紹倫敦景點，又玩食字，食正「Cruise（遊艇）」發音，出動命為「Tom's Cruise」的遊艇，封晒整條河，認真大陣仗！
另外，靚佬湯亮相另一名嘴Jimmy Fallon的清談節目，在其中一個環節請了幾位小朋友為題目「The Mummy」寫劇本，由他及Jimmy負責演出，靚佬湯讀出無厘頭對白，扮木乃伊說：「我知我望落好奇怪，因為我已經2,000歲。」