整傷左膊舊患 伊健又放血

鄭伊健、衛詩雅與莊思明等昨日出席戲院開幕活動，久未露面的伊健表示近日為錢嘉樂執導、《古惑仔》原班人馬演出的新片到日本及布達佩斯等地拍攝。他透露拍攝該片的動作戲時整傷左邊膊頭舊患，問到要否做物理治療，他表示已睇醫生：「又要放血！（老婆餵你食嘢？）返嚟都好咗好多啦！」雖然不用做手術，但他嘆手尾長：「移咗位要托番，總之好棘手啦！ 」
鄭伊健拍電影整傷膊頭舊患，坦言今次「手尾長」。
鄭伊健拍電影整傷膊頭舊患，坦言今次「手尾長」。

衛詩雅現身時嘴唇左下角貼有膠布，她解釋因去了脫癦，三次治療共花費萬多元。問到會否擔心黑色素會變成皮膚癌？她說：「咁講有啲擔心，但應該唔會。」她又指因擔心有疤痕，故選擇今次用激光方式脫癦。她又提到日前赴台宣傳英皇電影《失眠》時遇上大雨，幸開畫當日票房大賣。

莊思明以性感打扮出席開幕活動。
  • 莊思明以性感打扮出席開幕活動。