袁文傑恨拍外傳做攣男照《撒》！

藝人袁文傑昨日為由馮盈盈、劉穎鏇、張寶兒、麥美恩與梁嘉琪等「是非精」主持的《學是學非》擔任嘉賓，笑言感到壓力：「我同導演講第一次有五大女主持招呼，陣容強勁。」因《不懂撒嬌的女人》中「游生」一角而人氣急升的他工作浪接浪，透露稍後將與同是前亞視藝員的陳煒合作新劇：「過兩日上橫店完成埋《宮心計2深宮計》嘅戲份，唔會好長時間，因為我剩番幾場戲，去幾日啫！下個月又入《果欄中的江湖大嫂》，叫做過嚟同陳煒合作，有段似有還無嘅感情瓜葛。」

女友等得唔急生仔

有傳《不》劇將開拍外傳，袁文傑表示並不知情，但有興趣參演，問到會否想有感情線？他說：「全劇有27集，去到25集有觀眾留言問游生係咪基！（你想拍男定女？）呢個世代冇所謂，寫到嚟我哋就演得到！不過我揀女仔，或者有冇啲攣都拗番直？」講到工作忙碌，女友有否詐型？他說：「忙陣先啦！（女友等得？）等嘅！」他又表示未有計劃生小朋友。

袁文傑有興趣拍《不》劇外傳，安排咩角色都肯做！	袁文傑飾演的「游生」經常與林文龍有對手戲，畀觀眾以為係「基民」！	馮盈盈（右）與劉穎鏇自爆小時候的百厭事！

劉穎鏇自薦扮熟女

馮盈盈與劉穎鏇透露將在節目中講解易燃物，問到有否試過玩火？兩人坦言唔敢，劉穎鏇透露最百厭是玩滑板，畀媽咪指是男仔玩意；馮盈盈則表示曾與弟弟在廁所玩到一地泡，搞到要媽咪幫手清潔。兩女又表示有興趣參演《不》劇外傳，劉穎鏇笑說：「我化咗妝都好成熟，唔似20歲，可以呃到幾年。」

文：影視組