張智霖逃離倫敦 恐懼症爆發

藝人張智霖與陳慧琳昨日出席活動,提到英國恐襲,剛從英國回港的他透露當時身在威爾斯,到倫敦需要三小時車程,當時他提高警惕,更想了不同的應變措施:「若果有咩事發生嘅時候,要有快反應,唔好呆!(會唔會怕去人多地方?)我直情有人群恐懼症,排隊入場嘅時候,太多人都抖唔到氣。(有冇睇醫生?)冇呀!應該係要睇醫生,但係唔知睇咩醫生,我仲有密室恐懼症,所以困住唔得。」

陳慧琳則說已買機票暑假一家人去英國旅行,發生恐襲後即時取消:「我遲咗一日去取消,所以畀咗30%取消費。歐洲都唔敢去,自己一個就唔驚,走得快,小朋友抱得一個,咁另一個點?可能改去美國。」