布偉傑反傳統 搞無酒婚宴

現年45歲的外籍演員布偉傑（Brian Thomas Burrell），在劇集《同事三分親》的演出而獲「阿一」外號，日前他宣布與化妝師女友Celia已於5月20日在美國猶他州拉埋天窗，並回到家鄉鹽湖城影婚紗相，阿一透露：「喺鹽湖城同我公公婆婆嘅鄉下Capitol Reef National Park影咗婚紗相，我哋嘅香港攝影師朋友專登飛過去。」他表示將在港補擺喜酒，並笑言：「我哋喺6月16日有個反傳統嘅婚宴，因為我同Celia成日因工作去飲宴，有啲厭倦例牌嘅餐單，所以當晚嘅餐單會有啲新意思，加上我嘅宗教信仰（耶穌基督後期聖徒教會），當晚唔會提供酒。我哋見過太多場面係啲人飲到亂晒，所以想避免麻煩，想大家可以Enjoy當晚嘅菜式同音樂。」問婚後是否努力造人？阿一說：「唔急住，順其自然，都想生嘅。」