張繼聰爆肌再上台唱歌

藝人張繼聰昨日出席「生力啤酒節2017」活動，見他身形健碩不少，胸肌近乎逼爆衫，問到胸肌有幾大？阿聰坦言：「都有41、42吋。」他透露為劇集而操變大隻佬，但今次不用除衫，除衫騷肌由同劇的陳豪及森美負責，他們要食烚白肉Keep Fit，所以都不敢在兩人面前吃太濃味的食物。問到陳豪可會學他用胸肌「猜拳」？阿聰笑言：「佢唔係行呢個路線嘅，佢飲咖啡嘛，佢同森美都有場打拳戲。」阿聰又稱已久違在台上唱歌，不禁自嘲：「我嘅音樂事業好快玩完咗，但都可以重新再玩番嘅。（你有廣告嘛？）唔好咁講，但係開心嘅。（太太謝安琪幾時復工？）佢仲坐緊月，坐月可以坐3個月，佢照顧得小朋友好好，我工作辛苦，但見佢哋咁歎就開心。」