江若琳旺夫唔憂嫁

歌手江若琳（Elanne）前晚出席維特健靈音樂會開幕典禮儀式，提到因「生煎包王」男友蕭潤邦開第十間舖而被指「旺夫」，剛好堪輿學家麥玲玲在場，她即向對方報上時辰八字及男友的生肖，麥玲玲說：「OK喎！有冇打算結婚？今年、出年都多喜事，如果想結，出年都係好年份。你本身桃花運好旺，夫運都OK，嫁畀邊個都唔差，你同佢講未必一定係佢！」Elanne笑說：「叫佢醒定！」又坦言對婚事順其自然：「遇到一個啱既人都唔會抗拒呢，都係人生必經階段。」