陳瀅口水尾益男粉

陳瀅昨日於銅鑼灣出席咖啡活動，將飲過的咖啡轉贈男粉絲，又即場分享暗戀滋味：「以前暗戀個男仔會攞佢杯嘢嚟飲，喺佢唔知情嘅情況下。（之後成功拍拖？）冇，但Sweet！」問到如果粉絲攞她飲過的水等物品會如何？她笑指粉絲好乖：「唔會啩！（遇過變態粉絲？）冇！反而收到粉絲寫信同寄番我本寫真畀我，想我簽完名再寄畀佢。」談到好友何雁詩被本報拍得與男友鄭俊弘於西貢同居？本來與何雁詩合租住所的陳瀅即護航：「以我所知佢係搬返屋企，有冇搬去西貢就唔知。（佢心情受困擾所以搬返屋企？）係我做得唔好，畀唔到母愛同父愛佢，佢掛住爸爸媽媽咪返去。（佢有異性冇人性？）唔會。」