林夏薇瘦到晚裝下滑 好牙煙！
藝人林夏薇日前到馬來西亞登台，在千多名觀眾前獻唱，一身高貴晚裝配名貴首飾的她連續唱了三首歌，情緒高漲，唱到手舞足蹈，又向fans揮手及收花，期間其tube dress不慎下滑，露出事業線及胸墊也懵然不知。
對此薇薇昨日接受本報訪問，坦承表演時發生小意外：「真係好尷尬，本身唱得好開心，又有靚首飾贊助，點知唱唱吓望到前面個螢幕就見到自己走光，所以急急拉番起佢，跟住全程用隻手夾住條裙唱，冇諗過會畀觀眾發現到，希望啲相唔好喺網上流傳啦！」談到僅於當地逗留兩日一夜，薇薇也大嘆不夠喉，但笑指能品嘗至愛的榴槤已感高興：「今次有當地朋友專登嚟支持，仲帶我哋周圍食嘢，當地榴槤咁出名梗係唔放過，同埋呢排確實瘦咗，先搞到條裙鬆，所以我喪食榴槤增肥，希望肥番幾磅，有啲肉地撐到啲晚裝，下次就唔會咁失策。」