邵珮詩踩板碌低 差啲飛落海!

前港姐冠軍邵珮詩(Veronica)近日有份在劇集《愛.回家之開心速遞》中飾演傻更更秘書一角,想不到私下原來是十分好動,近日還上網睇片自學踩滑板,已自學兩星期有多。不過。Veronica日前練習時不幸受傷,擦傷手掌及膝頭,她說:「嗰陣我踩板轉左轉右,突然諗起工作就分心咗,唔小心碌咗落地,好彩冇撞到重要部位。」雖然不幸受傷,但她坦言最驚險是差點滑板飛落海:「塊板成三千幾蚊o架!差少少就跌落海,當時我都冇理傷口幾痛,即時接番塊板!」

獨臂過活

事後,Veronica只回家消毒傷口,但因手掌的傷口太痛,故暫時要過「獨臂」生活:「隻手真係好痛,所以只可以用一隻手沖涼洗頭同洗面,依家沖涼比起原本用多一倍時間!」除了踩滑板外,她又透露近日與幾個志同道合的女孩組成跳舞組合,不時拍片上網分享。

文:專案組