克勤專輯封套畀條毛搶鏡

李克勤為慶祝入行30周年，除於紅館舉行個唱外，亦將推出紀念入行30周年專輯《30克》，日前克勤表示：「除咗《一個都不能少》係轉公司後頭炮會嚴肅啲外，其餘7首新歌都會用輕鬆態度演繹，想用輕鬆心情迎接呢個快樂紀念。」擔任克勤唱片封套設計師的林海峰（Jan）一聽碟名，即聯想到用一條羽毛做主角，Jan解釋：「入行30周年，好多事都可以睇輕一啲，放輕鬆啲。」不過他又笑言如有機會推出第二版：「將羽毛換成一張支票應該會更受歡迎。」Jan指近年推出實體唱片的歌手不多，今次再和克勤合作深感興奮。