謝芷倫瞓廁所追求原汁原味

藝人謝芷倫（Jan）早前為無綫處境劇《愛．回家之開心速遞》瞓身演出，地點卻是電視城廁所，她說：「以前拍嘢試過喺單車上炒車仆落地，今次試埋瞓廁所，導演要求要演得真實，工作人員都冇刻意用水拖地，我就咁就瞓咗落廁所地下，爬吓爬吓！」除此之外，Jan又透露於劇中，與呂慧儀（阿蟹）有幕着水手裝校服又唱又跳的情節，她說：「我曾入圍18區歌唱比賽，機會咁難得，當然要親身上陣。我同阿蟹仲即興度咗啲舞步，拍得超開心！」