趙頌茹拍拖要問准女兒
藝人趙頌茹（阿Yu）昨晚出席美容公司晚宴，身形向來纖瘦的她坦言現時很容易肥，要靠做運動Keep Fit：「以前我奀挑鬼命真係唔識肥，依家識嘞！所以要控制食量、做運動先唔會肥，人大咗真係要Keep。」平時她亦有與兩個囡囡一起運動：「我做Sit Up時阿女就趴上嚟囉，加重我負擔，令我條腰嘅肌肉再強勁啲。」
阿Yu目前仍沒追求者，自爆曾問囡囡可批准她拍拖：「佢哋覺得唔需要住，阿媽陪住佢哋就得，我都尊重佢哋意願，佢哋開心就得，有冇另一半都好，都係以小朋友行先，我怕佢哋有咩衝擊，冇心機讀書咪大鑊！」