賈思樂6月開騷 搵戚美珍爆大鑊

藝人賈思樂（Louie）昨日出席活動，透露將於6月舉行的兩場《賈思樂ME & MY GIRLS IN CONCERT 2017》演唱會，除之前公布有6位女歌手助陣外，亦請來當年在《蝦仔爹哋》飾演他老婆的戚美珍，以及林漪娸、林建明和顧紀筠任嘉賓，因4女與他相識超過20年，對他最熟悉，故叫她們來盡爆其烏龍事，更指是冇底線踢爆！當中林漪娸叫他不要後悔，因他將會「衰硬」。問到是否找「老婆」戚美珍最難？Louie說：「佢最易，一問就話嚟，仲話會帶埋苗僑偉嚟捧場。」另同場的RubberBand成員泥鯭表示因怕痛不敢紋身，對有些人會紋女友的名字，他說：「都係紋啲永遠唔會變嘅好啲，好似父母嘅名，仔女嘅出生日期。」