項明生孖女星同遊巴黎

「旅遊達人」項明生昨日出席香港玩具節，帶同珍藏的50年代鐵皮玩具車作拍賣，他說年幼時沒有多餘錢，至長大才能實現兒時買奢侈玩具的夢想：「以前做電子公司，反而鍾意鐵造嘅嘢，之前買咗一個有籠嘅雀仔，上鏈後會唱歌，成五、六千蚊港紙。」項明生即將為某法國品牌到巴黎拍攝微電影，會有一位女星同行，但未肯透露是誰，二人可有親熱戲份？他說：「拖手仔應該有，之後我會留低三星期玩，睇吓個女明星肯唔肯一齊留啦！到時仲會去某鞋品牌家族成員嘅酒莊度住，諗住叫佢哋開個倉畀我攞鞋。」