薛家燕入紙紅館開騷嗌千嬅 側田讓路

藝人薛家燕與歌手彭家麗昨日於九龍灣出席慈善活動，家燕主持的無綫節目《流行經典50年》即將添食，自爆有人邀請她開紅館個唱：「因為年尾有個期多咗出嚟，加上出年係我入行60年，所以有人話即刻幫我入紙，之前我入過一次但唔批，今次我知楊千嬅、側田都入咗紙，希望佢哋讓吓我老人家啦，或者畀幾日我！」談到紅館多出的檔期是12月，她指夠時間準備，又表示如成功爭取會請嘉賓撐場。而彭家麗則分享護眼心得，她直言不愛護眼睛，雖無近視亦戴彩色隱形眼鏡，但就不會手機不離眼，笑指社交網站更新得慢是因為她選擇讓雙眼休息。