黃宗澤孖祥仔搞Gag李司棋慘變臨記
藝人黃宗澤（Bosco）、阮兆祥（祥仔）及李司棋等日前拍攝無綫新劇，當中Bosco及祥仔「唱雙簧」搞爛Gag，李司棋更踢爆祥仔「得罪」她：「我等埋位諗住唞唞，祥仔就會叫人『叫醒呢個臨記啦』！」
黃宗澤、祥仔、李司棋、關菊英、夏雨及王浩信日前於電視城拍攝無綫新劇《溏心風暴3》，期間Bosco及祥仔一唱一和搞爛Gag，大放笑彈！祥仔提到於劇中全家總動員去尋找失蹤的陳敏之，即與Bosco玩「食字」，並說：「我哋喺呢場要『四周』搵佢，當佢好似紫菜咁四周圍搵佢。」Bosco聞言即加把嘴附和，氹得李司棋及關菊英等笑不攏嘴！
唞陣都被玩
問到兩人是否經常搞Gag？Bosco踢爆李司棋才是經常搞爛Gag之人，為大家帶來歡笑。李司棋搞笑自爆不時於拍劇期間稍作休息，卻被祥仔發現兼整蠱：「我有時等埋位會想瞌吓，諗住唞唞。點知被祥仔發現，祥仔就會叫人『叫醒呢個臨記啦』，個臨記就係我。」
夏雨搞茶記
看似大膽「得罪」前輩的祥仔就笑言只是開玩笑：「我同司棋姐咁熟先敢開玩笑咋！」問到拍攝的休息時間是否不夠？李司棋則盛讚劇組平時給她足夠的休息時間：「每日都可以瞓番個好覺。」
另外，於劇中經營茶餐廳生意的夏雨、關菊英及李司棋日前齊齊以復古Look上陣拍攝，關菊英及李司棋均換上及肩長髮示人，造型特別！
文：影視組