Gemma Chan夠霸氣拒演邦女郎

陳靜（Gemma Chan）於1982年11月29日在倫敦出世，其父是任職工程師的香港人，而母親則是曾任職醫院藥劑師的華人。Gemma本身亦是高材生，曾在牛津大學修讀法律，畢業後做過律師行見習生，但她始終最愛演戲，其後在倫敦修讀戲劇繼而被英國電影監製Damian Jones睇中正式入行。

因膚色被取消試鏡

Gemma於2006年參加英國版《天橋驕子》－《Project Catwalk》。據知當年她半工讀做模特兒賺錢支付戲劇學校學費，並曾在多個廣告及雜誌出現。可是，Gemma的事業並非一帆風順，她自爆曾因黃種人身份而受阻：「試過好多次被通知取消試鏡，原因係佢哋只想搵白人試鏡。我相信你喺荷里活電影見到異形仲多過見亞洲女人！」。

演機械人正評多

直至2009年，她獲邀參演英國熱播劇集《異世奇人》特別版。她亦有參演ITV第2台劇集《Secret Diary of a Call Girl》飾演應召女郎。不過真正令Gemma走紅是2015年首播的AMC/第4台合作科幻劇《真實的人類》（Humans）。《真》開播後創造第4台20年來最高收視，而她則憑女機械人Anita一角大受好評，獲提名多個電視獎項。

Gemma於2010年跳出公仔箱，參演荷里活電影《諜海風雲》（Shanghai），同片有周潤發及鞏俐等，惟角色發揮不大。而2012年原本Gemma有機會在《新鐵金剛智破天凶城》（Skyfall）擔任邦女郎，但最終角色落在法國女星Berenice Marlohe。Gemma解釋指《新》要求作非必要的裸露故拒接演，她又認為成為邦女郎並非女演員的一切。其後她的荷里活片約陸續有來，包括《驚天諜變：魅影特攻》（Jack Ryan：Shadow Recruit）。而她最近在暑期大片《變形金剛：終極戰士》（Transformers：The Last Knight）中擔任要角。

與1D仔Harry兩份食意粉

Gemma與英國諧星Jack Whitehall自2011年因合作而發展為情侶，據知二人首次約會選在葡萄牙式快餐店用膳，兼且行AA制。名花有主的Gemma於2014年曾與男子組合One Direction（1D）成員Harry Styles傳緋聞，二人被狗仔隊影到出席好友生日派對，並同車離去。但後來有指當晚Jack亦在場，而Gemma與Harry則純屬好友。Gemma曾上載與Harry吃同一碟意粉的合照。

文：外娛組