歌手鄭欣宜昨日到電台宣傳電影《29+1》，指今天會到法國參加康城及尼斯影展：「去三日就走，返嚟再去上海拍戲、做爹哋（鄭少秋）演唱會、再返內地宣傳電影。」月底30歲生日的她想去旅行，指上年生日到峇里旅行令她有所啟發：「去咗地道大牌檔，見有個赤腳嘅當地小朋友攞住個黑色垃圾袋、兩支棍同一條繩，原來佢喺度玩風箏，我哋喺條巷跑嚟跑去，快樂原來係可以免費。」她透露稍後想一個人去類似尼泊爾的地方旅遊。
