黃秋生劏子孫根嗌尷尬
由兩大影帝黃秋生及林家棟與女星衛詩雅合作、邱禮濤執導的英皇電影《失眠》快將上映，該片不乏虐殺、輪姦和虐打等重口味戲份，當中一幕由秋生動刀幫人「去勢」的場口，大膽程度令戲迷擔心會被刪剪。然而片方昨日公布被刪減片段主要有三處：劏子孫根、割喉及生食人體殘肢，三處共刪去數秒，故不影響劇情。導演邱禮濤對此笑言要劏雞還神，更指電檢處很仁慈。
而秋生則透露拍攝替船木一輝「去勢」戲份時感尷尬：「劏落去嗰下梗係道具（假陽具）啦，但劏之前我要拎住抽真嘢左度右度，又要唸對白…佢尷尬時，我仲尷尬。」秋生事後力讚船木一輝專業，又大讚特技化妝師：「我拎住嗰抽道具（假陽具），仲不停滴緊血水，好似真嘅一樣！」秋生又提到衛詩雅有一幕吃自己手臂的戲份，他笑指該幕的「血肉」由叉燒及士多啤梨汁製成：「真係幾好味，拍完成班工作人員分咗嚟食！」
