藝人唐詩詠與洪永城（Tony）分手，不少圈中好友坦言會支持他們，尊重二人決定，當中黃翠如與Tony及詩詠分屬好友，早前詩詠生日，翠如與她行街兼食Tea，翠如受訪時說：「作為朋友，只希望他們開心就好，總之一切也支持。」而與詩詠甚好感情的「阿哥」黃嘉樂及「細佬」林子善分別表示事前不知情，子善說：「佢又冇特別提過，開心就一齊，唔開心就分開，冇事嘅，加上兩個人事業都咁好，咁就工作先啦！」他又指詩詠向來硬淨，加上最近一起開工，他會講笑氹對方，有時間會多陪她，他又笑說：「佢咁多朋友，唔怕嘅！」而嘉樂則說：「我會尊重阿妹決定，佢咁靚女，一啲都唔擔心，適當時候我會擔心吓佢，佢有咁多阿哥睇住，唔驚！」