唐詩詠洪永城宣布玩完披嫁衣眼腫腫

踏入適婚年齡的Natalie和Tony拍拖以來雖然多次傳出情變，但她一直視對方為結婚對象，可惜在婚期上兩人一直未能達到共識，最近鬧出分手，Natalie連日被追問分手一事時亦支吾以對。不過，二人昨日終於在同一時間，齊齊於IG發文宣布分手，承認戀情告終。

做番好朋友

連日來對於分手未有表態的Tony，昨日傍晚在IG發文宣布與Natalie分手，他指兩人於共識下和平分手，原因並非有關結婚及第三者，更指分手不容易，希望大家給予兩人空間，最後他感激女方於兩年多來為他帶來過美好時光。而Natalie也於同一時間在IG宣布分手，她留言指要放低一段感情很難，尤其是兩個人認真相愛過，更曾經歷高低起跌，他們深思熟慮後，認為變回好朋友是對這段感情最好的方法，最後Natalie跟Tony一樣，感謝男方曾為她帶來過美好時光。

眼腫腫的唐詩詠，難掩落寞，慘慘豬！

洪永城昨晚甫現身，即被追問分手一事。

期待影婚紗相

甩拖的Natalie昨日與藝人楊潮凱在石澳拍攝結婚場面，可謂相當贈興！換上婚紗便正式埋位的她，雖然強顏歡笑，卻掩蓋不了眼腫腫，全程更裝不出新娘子的喜悅，問到她狀態麻麻？她說：「係呀！有啲攰！（你眼腫腫？）係啦！有時會水腫。（影婚紗照係咪你期待嘅場景呀？）係囉！」

另一邊廂，Tony於昨晚約八時現身電視城開工，被追問分手一事，他說：「要講嘅已經喺社交網站講晒，冇乜特別嘢想再講，畀番啲空間同時間我同Natalie。（有冇挽救過段感情？）聽日我都會出活動，聽日再講啦！」兩人宣布分手後，不少網友留言叫Natalie加油，反而Tony被網民狂轟，指他不珍惜女友。

文、攝：追蹤組