粵劇名伶阮兆輝對於前輩于素秋逝世一事感到難過，他接受訪問時坦言：「都好突然，我最後見到佢係美國911嗰年（2001年），嗰陣我去三藩市演出，佢就專登出嚟探我，好有心，近年就冇見到佢嘞！以前佢都有返吓香港，不過近年就冇，一、兩年前聽講佢都有啲老人家病，成日唔記得嘢，始終年紀都大都會有呢啲問題，其他大問題就應該冇乜！」
問到小時候跟于素秋的合作回憶，他說：「嗰陣我好細個，佢對我哋好好，為人好和靄！」