囝囝太霸道 呂慧儀暫時封肚

藝人呂慧儀昨日出席商場活動，透露兩歲半兒子正睡午覺，故未有同行。對於好友張頴康宣布將再任父親，慧儀表示已第一時間傳短訊送祝福，問到她可有計劃再生B？她說：「暫時唔會，個仔依家都唔悶，有表哥同佢一齊游水，佢又咁霸道，揀花顏色都幫我改，驚第時會打扁細佬妹添！張頴康真係勁，去完橫店拍嘢返嚟都可以有到。」而忙於拍攝無綫處境劇的她，笑指日前趁空檔與同劇演員享受行山樂，沒料途中被行山人士認出，最終令眾人變集郵景點。