張兆輝唔畀囡囡入行：讀好書先！
藝人張兆輝、陳明恩、彭家麗等昨日出席母親節步行籌款活動，身形弗爆的張兆輝透露曾是活力先生，故多年一直有運動習慣，亦會趁周日與家人到山頂花一小時步行。問到現時可有訓練12歲大的囡囡？他笑謂：「佢好忙，每日5、6點先放學。（之前畀人影完多人留意？）過一陣就會淡忘。（有冇人搵佢拍戲？）唔好住，讀好書先，我唔知佢第時想點，但顧掂學業先，佢係有小聰明，但有時心散。」更指囡囡年幼時不時翹住其臂彎行，現在卻有點避忌。
鑽石鏈贈母
談到今日母親節，張兆輝表示會與外母及家人食飯慶祝：「送咩畀老婆？可能送吻，唔只係物質上，心意都開心，好似小朋友父親節畫張畫畀我，到依家都擺床頭，係回憶搵唔番，到佢哋大個會送番畀佢哋。」而疼錫母親的他，昨日在微博上載一張珍珠鑽石手鏈照片，表示會送給媽媽作母親節禮物。
至於新婚的陳明恩被問到何時加入母親行列？她笑說：「未努力，想二人世界一段時間先，過兩年先計劃。（雙方家長冇催？）冇，媽咪本身有孫抱，奶奶心急啲，但都會畀時間我嘅。」她又指正在學習廚藝及普通話。
