關之琳樓多嫌煩 徐子淇單拖去P谷胸壓場

壓軸登場的徐子淇身穿白色一字膊晚裝單拖現身「卡地亞Panthere de Cartier時尚盛會」，谷胸上陣的她大騷事業線，高貴又性感！同場打扮誘人的還有大美人「關之琳」、Jessica C.、周麗淇、白歆惠、伍靜麗等爭妍鬥麗，嘉賓有台灣女星宋芸樺、名模樂基兒、周汶錡、藝人徐濠縈及關智斌等，徐子淇被問到丈夫李家誠為何沒有同行？她笑說：「今晚成班女仔。（你咁性感老公有冇睇過？）OK嘅，開Party着得輕鬆啲！」

收囝囝第一份禮

今天是母親節，會如何慶祝？子淇說：「會同媽咪、奶奶、屋企人同小朋友一齊過。（有冇收到咩禮物？）細仔喺學校做咗個相架送畀我，有佢張相仲打埋手印，係佢第一份送畀我嘅禮物，好甜好開心，啲女就通常做餅乾或者蛋糕仔畀我。」

關之琳則低胸與拍檔陳柏熹一同現身，陳柏熹被問到以四千萬購入豪宅？他自爆找之之陪睇樓，之之笑說：「佢好命囉，畀佢捉住睇咗一兩次，唔錯，我都想買，不過冇買。（你買樓都有眼光。）OK啦，買樓係保值。以前夢想周圍都要有屋，但依家覺得好煩，又要打理，而且咁多新酒店，所以淨番香港有樓！」談到母親節？她笑言媽媽忙於打麻雀，稍後會一起吃飯。

關之琳拒絕透露有幾多房地產。	Jessica C.玩低調性感。	白歆惠榮升媽咪後，一切以仔為先。

白歆惠為子落淚

同場的台灣藝人白歆惠現居香港，榮升母親的她被問到兒子近況？她表示囝囝快一歲：「現在每一刻都覺得很美好，但當他生病時就覺得天快塌下來！」她又透露收到兒子在playgroup製的腳印做母親節禮物，收到時忍不住掉眼淚。

文：名人組