麥雅緻懷第二胎 張頴康恨添女
藝人麥雅緻昨午帶同囡囡小豆出席母親節活動，丈夫張頴康到場打點。席間麥雅緻透露懷上第二胎，預產期今年10月尾。談到腹中胎兒性別，她說：「真係未知道，老公就想生多個女。（小豆知道就嚟做家姐？）知，佢一時話BB係細佬，一時又想話要妹妹，比較飄忽。」
麥雅緻坦言今胎害喜情況比上胎嚴重，兩夫妻之前出席活動曾遲大到，便是因為狂嘔所致：「當時又唔講得畀大家知，好似佗得唔係好穩咁，依家4個月都知唔瞞得嘞。（生埋呢胎收工？）係，如無意外嘅話。」問到張頴康屆時會否請假陪太太生產？他說：「生小豆時攞得1日假咋，收工去醫院瞓陪老婆，不過佢唔係好理我，淨係掛住餵奶，我諗今次都會去醫院陪佢瞓。」