Talk騷加場Ben Sir預告唱兩嘴
香港語言學者歐陽偉豪 （Ben Sir）將於6月24日在九展舉行talk騷《BEN SIR開SHOW》，昨日他宣布加開25日一場。Ben Sir為無綫節目《兄弟幫》錄影時說：「依家籌備咗一半，已經寫咗50張A4紙。（夠唔夠時間籌備？）OK，對自己冇信心，但對廣東話有信心，淨係講九聲到入聲可以講三個鐘啦！仲有量詞可以講。」
個騷豈非好嚴肅？Ben Sir說：「嚴肅，我似講笑咩？個騷係教育加娛樂，笑得到你咪笑囉！笑唔到我都確保你可以攞住啲嘢走。」他又透露會在talk騷中唱數首歌，平時網上直播唱歌當練歌。